У Зэльвенскім раёне раварыстка трапіла пад камбайн
Дарожна-транспартнае здарэнне адбылося 7 ліпеня прыблізна апоўдні ў вёсцы Ялуцавічы.
Фота: УУС Гродзенскага аблвыканкама
Паводле папярэдняй інфармацыі, 44‑гадовы кіроўца кормаўборачнага камбайна Jaguar пры выездзе з другаснай дарогі не саступіў дарогу 57‑гадовай жанчыне, якая ехала на ровары па галоўнай дарозе.
У выніку сутыкнення раварыстка атрымала траўму галавы. Яе даставілі ў бальніцу для аказання медыцынскай дапамогі.
Па факце дарожна-транспартнага здарэння праводзіцца праверка.