Расія ўвяла поўную забарону на экспарт дызельнага паліва

Пра рашэнне забараніць экспарт дызелю паведаміў віцэ-прэм’ер Расіі Аляксандр Новак падчас нарады ва ўрадзе з удзелам прэзідэнта Расіі Уладзіміра Пуціна. Паводле яго слоў, мера павінна павялічыць аб’ёмы дызпаліва на ўнутраным рынку.

Здымак ілюстрацыйны

Гэта рашэнне стала чарговым сведчаннем праблем з палівам у Расіі. Раней дзейнічала забарона на экспарт дызелю для кампаній, якія не займаюцца яго вытворчасцю, а апошнім часам вываз паліва фактычна ўжо амаль спыніўся.

Раней Расія мела значны запас дызельнага паліва: нафтаперапрацоўчыя заводы выпускалі прыкладна 85 мільёнаў тон, а ўнутранае спажыванне складала каля 46 мільёнаў тон, таму вялікая частка прадукцыі ішла на экспарт.

Цяпер расійскія ўлады разлічваюць накіраваць больш паліва ўсярэдзіну краіны і паведамляюць, што імпарт нафтапрадуктаў можа пачацца ўжо ў ліпені.

Каментары да артыкула