У Магілёве зваршчык загінуў, захацеўшы спусціцца на грузавым ліфце
У Магілёве на тэрыторыі аднаго з былых прамысловых прадпрыемстваў раніцай 9 ліпеня загінуў 65‑гадовы зваршчык, паведамляе Следчы камітэт.
Фота: Следчы камітэт
Паводле звестак Следчага камітэта, мужчына хацеў спусціцца на ніжні паверх. Ён адчыніў дзверы грузавога ліфта, не пераканаўся, што кабіна знаходзіцца на месцы, і ступіў у пустую ліфтавую шахту.
Рабочы ўпаў з вышыні каля шасці метраў і атрымаў смяротныя траўмы.
Устаноўлена, што будынак цэха яшчэ не быў уведзены ў эксплуатацыю. На момант здарэння доступ на верхнія паверхі быў магчымы толькі па лесвіцах.
Па факце гібелі работніка праводзіцца праверка, высвятляюцца ўсе абставіны здарэння.
Чытайце таксама:
У Бабруйскім раёне пенсіянерка пілавала балгаркай дошкі, парэзала нагу і памерла