Перапынак у фінале чэмпіянату свету будзе доўжыцца 30 хвілін
ФІФА плануе павялічыць працягласць перапынку ў фінальным матчы чэмпіянату свету-2026 да 30 хвілін. Перапынак паміж таймамі заўсёды складае 15 хвілін.
Стадыён «Метлайф» у Іст-Рутэрфордзе, за ім на даляглядзе — Нью-Ёрк. Фота: Seth Wenig / AP
Змены неабходныя для правядзення маштабнага 11‑хвіліннага музычнага шоу ў стылі амерыканскага Супербоула, паведамляе The Telegraph.
Куратарам выступу прызначаны лідар гурта Coldplay Крыс Марцін.
На сцэне стадыёна «Метлайф» у Іст-Рутэрфордзе, што ля Нью-Ёрка, выступяць Мадонна, Шакіра, BTS і Джасцін Бібер.
Таксама ў канцэртную праграму інтэграваныя выступы нігерыйскага спевака Burna Boy, венесуэльскага дырыжора Густава Дудамеля, школьнага хору PS22 Chorus і персанажаў дзіцячых перадач «Вуліца Сезам» і «Мапет-шоу».
Акрамя гэтага, за паўтары гадзіны да стартавага свістка пачнецца цырымонія закрыцця турніру. У ёй прымуць удзел Робі Уільямс, Ніколь Шэрзінгер і акцёр Том Круз.
Фінал чэмпіянату свету пачнецца а 22‑й у нядзелю па беларускім часе. У ім згуляюць Аргенціна і Іспанія.
У матчы за 3‑е месца 22 гадзінамі раней згуляюць Францыя і Англія (00:00, нядзеля).
Чытайце таксама:
Аргенціна зноў пераламала гульню — 2:1 з Англіяй. У Месі — два галявыя пасы
Іспанія стала першым фіналістам чэмпіянату свету. Францыя зрынутая
Матч паміж Англіяй і Аргенцінай прывёў да палітычнага скандалу з-за Фалклендскіх астравоў