Фінал чэмпіянату свету па футболе пакажуць у мінскім кінатэатры
У Мінску фінальны матч чэмпіянату свету па футболе 2026 года можна будзе паглядзець не толькі ў фан-зоне, але і ў кіназале. Такое рашэнне прынялі ў плэйбары HEROES пасля таго, як усе месцы на асноўнай пляцоўцы былі зарэзерваваныя, піша «Анлайнер».
Трансляцыя пройдзе ўвечары 19 ліпеня адначасова ў самой установе і ў адной з кіназалаў. Арганізатары патлумачылі, што адкрылі дадатковую пляцоўку з-за вялікай колькасці ахвотных трапіць на прагляд.
Для гледачоў кіназалы прадугледжаны квіток коштам 150 рублёў. У яго ўваходзяць бязлімітныя напоі і закускі на працягу трансляцыі, а таксама абслугоўванне афіцыянтам.
Паводле слоў прадстаўнікоў HEROES, месцы на асноўнай пляцоўцы былі забраняваныя прыкладна за месяц да фіналу, пасля чаго было прынята рашэнне арганізаваць дадатковы паказ, каб прыняць больш заўзятараў.
У фінале чэмпіянату свету 19 ліпеня за тытул пазмагаюцца зборныя Аргенціны і Іспаніі.
Чытайце таксама:
Інфанціна: ЧС-2026 — найлепшы ў гісторыі. Ва ўсім свеце пануе шчасце
Фінал чэмпіянату свету па футболе не плануюць пераносіць з-за смогу ў Нью-Ёрку і ваколіцах
Трамп назваў сітуацыю з прыпыненнем дыскваліфікацыі Балагуна самым запамінальным момантам мундыялю
Футболку Пеле з чэмпіянату свету 1958 года прадалі амаль за 5 мільёнаў даляраў