Мяняецца праца банка даных беларусаў, якім забаронены выезд за мяжу
20 ліпеня Аляксандр Лукашэнка падпісаў указ, накіраваны на ўдасканаленне працы банка даных аб грамадзянах Беларусі, права якіх на выезд з краіны часова абмежаванае, паведаміла прэс-служба палітыка.
Здымак ілюстрацыйны. Фота: Lookby.media
Неабходнасць прыняцця дакумента, як паведамляецца: звязаная з карэктаваннем заканадаўства і практыкай прымянення ранейшых норм.
Указ прадугледжвае пашырэнне тэхнічных магчымасцяў абмену інфармацыяй паміж дзяржаўнымі органамі, а таксама ўзмацненне абароны звестак, якія захоўваюцца ў адпаведным банку інфармацыі.
Грамадзяне змогуць атрымаць інфармацыю пра наяўнасць абмежаванняў на выезд у любым падраздзяленні грамадзянства і міграцыі.
Акрамя таго, скарачаецца тэрмін атрымання такой інфармацыі — цяпер гэтыя звесткі павінны давацца на працягу аднаго працоўнага дня.
Чытайце таксама:
Мяжу з Польшчай за паўгода спрабавалі незаконна перасячы ўсяго 235 разоў
Круты: Работнікі з Узбекістана завозяцца ў Беларусь пад інвестпраекты