На мінскай Асмалоўцы зноў адкрылася бістро ізраільскай кухні
Папулярнае мінскае бістро ізраільскай кухні «Бетэн гаў» зноў адкрылася на мінскай Асмалоўцы. Установа вярнулася на свой ранейшы адрас — вуліца Кісялёва, 28, піша Office Life.
Фота: «Яндэкс Карты»
Пра аднаўленне працы каманда бістро паведаміла ў сацыяльных сетках, запрасіўшы гасцей наведаць установу на звыклым месцы.
«Бетэн гаў» працуе ў Асмалоўцы з 2019 года. На момант адкрыцця ў ім было каля 30 пасадачных месцаў. У верасні 2025 года ўстанова нечакана спыніла працу, патлумачыўшы гэта тэхнічнымі прычынамі.
Пры гэтым уладальнікі адразу адзначалі, што закрыццё будзе часовым. На час перапынку бістро прымала наведвальнікаў у прасторы ўсходняй кухні «Зэст» на вуліцы Рэвалюцыйнай.
Цяпер «Бетэн гаў» зноў працуе ў сваім гістарычным месцы ў Асмалоўцы.
Чытайце таксама:
На Браслаўскіх азёрах пабудуюць модны рэтрыт-цэнтр ФОТЫ
«Была ў Егіпце 12 разоў, там не лепш». Беларусы расказалі, як адпачываюць у айчынных санаторыях