Украінскія дроны дашчэнту спалілі яшчэ два склады Wildberries у Расіі — чацвёрты і шосты па велічыні
На поўдні Расіі пасля атакі дронаў гараць два лагістычныя цэнтры маркетплэйса Wildberries — у Краснадары і Нявіннамыску Стаўрапольскага краю.
Аператыўны штаб Краснадарскага краю паведаміў, што ў выніку атакі дронаў на склад пацярпелі трое чалавек. Улады Стаўрапольскага краю інфармуюць пра двух пацярпелых.
Таксама паведамляецца, што ў горадзе Армавір на поўдні Расіі была атакаваная нафтабаза.