Валянціна Качан сышла з пасады галоўнага санітарнага доктара краіны
Яе маўчанне ў лістападзе 2009 года падчас масавых захворванняў грыпу спарадзіла эпідэмію панікі.
Валянціна Качан сышла з пасады галоўнага санітарнага доктара краіны на падставе пастановы Савета Міністраў ад 6 верасня 2010 года.
Працоўная дамова была спынена па згодзе бакоў.
Доктарка стала вядомай «дзякуючы» сваім дзеянням у лістападзе 2009 года, калі падчас масавых захворванняў грыпу ўсяляк замоўчвала актуальныя дадзеныя. А незалежныя СМІ за аб’ектыўнае асвятленне сітуацыі з грыпам і пнеўманіяй атрымалі папярэджанні ад Міністэрства інфармацыі.