Расія не нясе адказнасці за сталінскія злачынствы
Крыніцы ў Страсбургу: такое рашэнне мае прыняць Еўрапейскі суд па правах чалавека.
Расія не вінаватая ў масавым расстрэле салдат і афіцэраў польскага войска ў 1940 г. пад Катынню.
Такое рашэнне прыняў Еўрапейскі суд па правах чалавека, паведамілі крыніцы ў Страсбургу. Польскі бок амаль цалкам прайграў гэтую справу, але і расійскім уладам святкаваць перамогу пакуль рана. ЕСПЧ канстатаваў істотнае парушэнне Расіяй Еўрапейскай канвенцыі па абароне правоў чалавека ў частцы абавязкаў супрацоўнічаць з судом. Акрамя таго, па галоўных пунктах скаргі палякаў рашэнне прымалася перавагай усяго ў адзін голас.
Гэта можа прывесці да перагляду справы Вялікай палатай ЕСПЧ.
Афіцыйна сваю пастанову па справе «Янавец і іншыя супраць Расіі» Малая палата ЕСПЧ абвесціць 16 красавіка. Але рэзалютыўная яго частк ўжо прынятая. Сем суддзяў палаты чатырма галасамі супраць трох вырашылі, што ў дачыненні да дванаццаці заяўнікаў — сваякоў расстраляных польскіх афіцэраў — расійскімі ўладамі не парушалася права на жыццё. Іншымі словамі, Расія не нясе адказнасць за масавы расстрэл.
Глядзі таксама:
Ахвяры «беларускага катынскага спісу» — у Трасцянцы?