Шулейку аштрафавалі на 2 мільёны, Ходаса — на 1,5
Іх затрымалі ўчора, падчас адкрыцця мемарыяльнага знаку «Рака памяці», прысвечанага ахвярам тэракту ў метро.
На Насту Шулейку і Юрыя Ходаса склалі пратаколы за лаянку. Адміністрацыйныя справы супраць актывістаў суддзі пачалі разглядаць пасля таго, як журналістаў і праваабаронцаў выдалілі з будынка суда Ленінскага раёна.
Наста Шулейка аштрафаваная (суддзя Марына Запаснік) на 20 базавых велічыняў (2 млн рублёў), Юрый Ходас (суддзя Міхаіл Хома) -- на 15 базавых велічыняў (1.5 млн).