У Батанічным садзе адзначаць Купалле

Упершыню ў Цэнтральным батанічным садзе НАН Беларусі 7 ліпеня адсвяткуюць Купалле.

У свята Івана Купалы наведнікам Батанічнага саду прапануюць праспяваць купальскія песні і павадзіць карагоды, паваражыць на каханага, пакаштаваць напоі на травах па старадаўніх рэцэптах, а самае галоўнае — пашукаць папараць-кветку. Дарэчы, у экспазіцыйнай аранжарэі сада будзе працаваць выстава калекцыі папараці.

Таксама гэтым вечарам ўсіх ахвотных навучаць плесці купальскія вянкі і старадаўнім беларускім танцам.

Пачнецца свята, а 17-й гадзіне. Будзе таксама традыцыйнае вогнішча.

Каментары да артыкула