Лукашэнка ўзнагародзіў шэраг грамадзян

«За шматгадовую плённую працу, узорнае выкананне службовых абавязкаў і высокі прафесіяналізм, поспехі ў забеспячэнні законнасці і правапарадку, дасягненне высокіх паказчыкаў у прамысловасці, будаўніцтве, заслугі ў развіцці гандлю, сістэмы адукацыі, тэатральнага мастацтва і спорту» Аляксандр Лукашэнка 16 ліпеня падпісаў указы аб узнагароджанні шэрагу грамадзян.

У прыватнасці, паводле звестак прэс-службы прэзідэнта, ордэнам Пашаны ўзнагароджаны старшы трэнер і спартсменка нацыянальнай каманды па цяжкай атлетыцы Віктар Шылай і Анастасія Новікава.

Медалі Францыска Скарыны ўдастоеныя старшыня Мінскага гарадскога армянскага культурна-асветнага таварыства «Айастан» Георгій Егіязаран, артысты Нацыянальнага акадэмічнага народнага хору імя Цітовіча, Беларускага дзяржаўнага заслужанага харэаграфічнага ансамбля «Харошкі».

Старшаму трэнеру мужчынскай гандбольнай каманды «Аркатрон» Уладзіміру Азаву прысвоена ганаровае званне заслужанага трэнера Рэспублікі Беларусь.

Каментары да артыкула