Кіроўца раз'ехаў аднагадовае дзіця проста на стаянцы

«Мэрсэдэс» рухаўся заднім ходам каля «Таіра» на Алібегава.

1 жніўня каля 20.40 кіроўца-мужчына 1975 года нараджэння на аўтамашыне «Мэрсэдэс-Бэнц 560», рухаючыся заднім ходам па гасцявой стаянцы універсама «Таір» на вуліцы Алібегава, здзейсніў наезд на пешаходаў — жанчыну 1985 года нараджэння і яе аднагадовага сына.

Як паведамілі ва ўпраўленні ДАІ ГУУС Мінгарвыканкама, у выніку ДТЗ дзіця ад атрыманых траўмаў памерла ў машыне хуткай медыцынскай дапамогі. Маці атрымала траўмы.

Каментары да артыкула