Паштовая скрынка
№ 32 (294), 30 жніўня 2002 г.
Паштовая скрынка
Уладзю Г. зь Віцебску. “Барацьба з алькагалізмам” не чытаецца. Сюжэт млявы, некаторыя эпізоды зацягнутыя. Мова герояў штучная. “Гей-Лаліта” — гэта разьдзел для кнігі, а не артыкул для газэты. Думкі, у ім выкладзеныя, дарэчы, далёка не бясспрэчныя.
Сяргею Я-чу. Тэкст пра выбары ў Сэрбіі напісаны “з чужых словаў”.
Раману з Горадні. Агітаваць ужо даўно загітаваных — занятак без карысьці. Да таго ж, гэтым займаюцца дзясяткі “патрыятычных публіцыстаў” у іншых газэтах.
Юстыну А. з infonet.by. Памфлет пахабны. Ягоны сюжэт ня новы. Але адчуваецца, што пачуцьцё гумару ў Вас выдатнае. Паспрабуйце пісаць на іншыя тэмы.