Čarhovaja paraza biełaruskaha futbołu
Forvard italjanskaj «Parmy» Vital Kutuzaŭ pakinuju seryju «A» i pierajšoŭ u seryju «V», u klub «Piza».
Forvard zbornaj Biełarusi i italjanskaj «Parmy» Vital Kutuzaŭ papoŭniŭ šerahi «Pizy» (seryja «V»). Ciaham sezonu naš suajčyńnik budzie znachodzicca ŭ arendzie, paśla čaho «Piza» pry žadańni moža vykupić kantrakt. Pra heta paviedamiŭ sajt hazety Priessboł.
U seryi «B» Kutuzaŭ užo hulaŭ, kali vystupaŭ za klub «Avelina». Biełarus u 2001 h. pierabraŭsia z BATE ŭ «Milan», ale zatrymacca tam nia zdoleŭ, pierajšoŭ u partuhalski «Sportynh», zatym viarnuŭsia na Apeniny, u «Avelina». Niakiepska Kutuzaŭ hladzieŭsia ŭ «Sampdoryi», a ŭ «Parmie» minuły sezon bolš siadzieŭ na łavie zapasnych i kanfliktavaŭ z kiraŭnictvam kluba. Takim čynam pierachod u «Pizu» možna razhladać jak surjoznuju parazu.
«Piza» ŭ minułym sezonie zaniała treciaje miesca ŭ dyvizijonie S1 A dy prabiłasia ŭ seryju «B». Žartujuć, što ŭ seryju «B» ŭ niekalki razoŭ praściej vylecieć z seryi «A», čym viarnucca nazad.