Chakiejnaja zbornaja Łukašenki nie prabiłasia ŭ finał amatarskaha čempijanatu
Heta zdaryłasia ŭpieršyniu za šeść hadoŭ.
Chakiejnaja zbornaja Alaksandra Łukašenki prajhrała kamandzie Bresckaj vobłaści ŭ paŭfinale spabornictvaŭ na pryzy Prezidenckaha spartyŭnaha kłuba.
«Čorny šlem» asabista byŭ na placoŭcy, adnak nie zdoleŭ dapamahčy kamandzie — paražeńnie ŭ likam 4:5.
Upieršyniu za šeść hadoŭ (ad pačatku praviadzieńnia turnira) zbornaja Łukašenki nie vyjšła ŭ finał. Piać razoŭ jana była pieramožcam, jašče adnojčy niejak pieramahła zbornaja Homielskaj vobłaści.
Chakiejnaja kamanda Łukašenki ŭzmocnienaja byłymi prafiesijnymi chakieistami, u tym liku i hulcami zbornaj Biełarusi.
A sam kiraŭnik dziaržavy hulaŭ u adnym źvianie z byłym NCHŁ-aŭcam Uładzimiram Cypłakovym i biznesmenam Paŭłam Biełym.