Žychar Barysaŭskaha rajona 7 hadzin hvałtavaŭ svaju 75-hadovuju maci

Žychar vioski Łošnica Barysaŭskaha rajona Minskaj vobłaści siem hadzin seksualna ździekavaŭsia sa svajoj 75-hadovaj maci.

na fota -- v. Łošnica.

Biełaruskaja vioska, vidavočna, dehraduje ŭsio bolš i bolš. Usiaho niekalki miesiacaŭ tamu 22-hadovy chłopiec, jaki pražyvaje ŭ v. Jermałovičy Białynickaha rajona Mahiloŭskaj vobłaści, zhvałciŭ 93-hadovuju babulu, a ciapier adbyŭsia jašče bolš aburalny vypadak. U Biełarusi takoha raniej nikoli nie zdarałasia. Što niemałavažna, nie apošniuju rolu ŭ maralnym padzieńni biełaruskaj vioski hraje tannaje pojła, jakim zavalenyja sielskija kramy i jakoje składaje asnoŭny ich abarot.

Pry adsutnaści maralnych barjeraŭ i alternatyŭnych zaniatkaŭ dastupny ałkahol litaralna vyvaročvaje mazhi sielskich žycharoŭ. Mienavita ŭ stanie ałkaholnaha apjanieńnia jany pačynajuć tvaryć usie hetyja žudasnyja spravy.

Pavodle dadzienych barysaŭskaj milicyi, padazravany pražyvaŭ sa svajoj 75-hadovaj maci ŭ v. Łošnica. Viaskoviec nidzie nie pracavaŭ. Faktyčna ŭvieś sens jaho isnavańnia zvodziŭsia da taho, kab znajści hrošy dla čarhovaj porcyi vypiŭki. Pry hetym padazravany nie saromieŭsia brać u maci jaje biednuju piensiju i tracić hrošy na tannaje vino ŭ sielpo.

Paśla čarhovaj vypiŭki padazravanamu zachaciełasia žančynu, a pakolki nikoha z žycharak vioski mužčyna nie pryciahvaŭ, jon vyrašyŭ zadavolić svaje žyviolnyja instynkty pry dapamozie svajoj maci.

Pavodle dadzienych śledstva, niahledziačy na supraciŭ i ślozy žančyny, syn ździekavaŭsia ź jaje ciaham siami hadzin. Padrabiaznaści jaho dziejańniaŭ pryviali ŭ šok supracoŭnikaŭ milicyi i dali padstavu dla zaviadzieńnia navat nie adnoj, a adrazu dźviuch kryminalnych spravaŭ: pa č.2 art.166 (zhvałtavańnie paŭtorna) i pa č.2 art.167 (hvałtoŭnyja dziejańni, učynienyja paŭtorna) Kryminalnaha kodeksa Biełarusi.

U ciapierašni čas Barysaŭski rajonny adździeł Śledčaha kamiteta pravodzić rasśledavańnie kryminalnaj spravy.

Kamientary da artykuła