Čačencaŭ pryzavuć u rasijskaje vojska

U Rasii brakuje rekrutaŭ, tamu Hienieralny štab pastanaviŭ, što z hetaj viasny ŭ vojska ŭpieršyniu za šmat hadoŭ nabiaruć chłopcaŭ z Čačni i Dahiestana.

Płanujecca, što ŭ armiju trapić kala piaci tysiač pryzyŭnikoŭ z hetych kaŭkazskich respublik. Kamitet sałdackich maci ličyć, što heta ŭzdymie u kazarmach chvalu złačynnaści pa nacyjanalnaj prykmiecie.

Čačenskich chłopcaŭ nie brali ŭ rasijskaje vojska ad pačatku 90-ch. Kali jany i słužyli, dyk na svajoj Baćkaŭščynie, u mocnych i dobra vyškalenych palicejskich strukturach viernych nie tak Maskvie, jak Ramzanu Kadyravu.

Rekrutaŭ z Dahiestana aficyjna pierastali brać u rasijskaje vojska dva hady tamu, bo ŭ armii ich bajalisia.

Pra toje, u jakoj kiepskaj formie biaruć rekrutaŭ u rasijskaje vojska, śviedčyć i fakt, što ŭ pieršyja tydni słužby maładych žaŭnieraŭ trymajuć na śpiecyjalnaj dyjecie, kab pryvieści ich vahu da normy.

Dahiestancy, akramia taho, salidarnyja. Jany abjadnoŭvajucca ŭ hrupoŭki, prymušajučy svaich słabiejšych słavianskich tavaryšaŭ vykonvać za ich bolšaść rabot. Niekalki hadoŭ tamu matrosy, nabranyja z toj respubliki, zahadali słužboŭcam ź inšych rehijonaŭ lehčy tak, kab ź ciełaŭ atrymaŭsia nadpis «Dahiestan». Heta było sfatahrafavana z karabielnaj mačty i vykładziena ŭ internecie. Zdymak vyklikaŭ chvalu abureńnia ŭ Rasii.

Adnak vojsku strašenna brakuje navabrancaŭ.

Siońnia pryzyŭnyja kamisii biaruć chłopcaŭ, narodžanych u 90-ja hady minułaha stahodździa, kali ŭ Rasii była hłybokaja demahrafičnaja jama i naradžałasia katastrafična mała dziaciej.

Viasnovy nabor daść rasijskim Uzbrojenym siłam nie bolš za 153 tysiačy čałaviek. Letaś uvosień na hadavuju słužbu ŭ Rasii pryjšło 140 tysiač. Razam z kantraktnikami (241 tysiača) i aficerami (220 tysiač) armija našaha susieda składaje 754 tysiačy vajskoŭcaŭ — na čverć miljona mienš za minimum, jaki, pavodle kiraŭnictva krainy, pavinien zachoŭvać biaśpieku Rasijskaj Federacyi.

Vyrašeńnie kadravych prablem z dapamohaj kaŭkazskich rekrutaŭ pałochaje svajakoŭ navabrancaŭ ź inšych rehijonaŭ. Ludzi bajacca, što ich dzieci stanuć achviarami kryvavych kanfliktaŭ ŭ kašarach.

Valancina Mielnikava z Kamiteta sałdackich maci adkryta kaža, što navabrancaŭ z Kaŭkaza, a pieradusim z Čačni, na słužbu va Uzbrojenyja siły Rasii brać nielha.

— Nam nie paźbiehnuć kanfliktaŭ. Ujavicie sabie, jak aficery, jakija majuć za plačyma čačenskuju vajnu i byli na joj paranienyja, zreahujuć, pabačyŭšy ŭ šerahach sałdata-čačenca. Jany ž nienavidziać usich, chto tam žyvie. Heta fakt! A navabrancy adtul — heta dzieci vajny. Naradzilisia, raśli pad bombami, jakija kidała na ich harady i vioski armija Rasii. Jak možna brać ich u vojska, ź jakim vajavali ich baćki, braty? Hetaha nielha rabić», — zaścierahaje Mielnikava.

Kamientary da artykuła