Mužyk, što myje i hatuje, da seksu nie pasuje
Amierykanskija sacyjołahi vyjavili, što čaściej zajmajucca seksam tyja pary, dzie žančyna sama viadzie ŭsiu haspadarku.
Kožnaja žančyna paćvierdzić słovy amierykanskaj fieministki Naomi Vułf, što mužčyna, jaki myje posud, bolš seksapilny, čym toj, chto na kanapie hladzić televizar. U amierykanskaj
Nieviadoma dakładna, na jakich kazačnych daśledavańniach hruntujucca ŭsie hetyja śćvierdžańni, ale sapraŭdnaja navuka vyjaviła, što heta vialikaja pamyłka, fieministyčnaja vydumka i pustaja mara. Hrabary hetaj teoryi i zbaŭcy mužčynaŭ ad anučy i prasa — troje sacyjołahaŭ: Sabina Kornrych, Džulija Brajnz i Katryna Leŭp.
Vyniki ich daśledavańniaŭ byli apisanyja ŭ American Sociological Review — časopisie Amierykanskaha tavarystva sacyjołahaŭ.
Paśla apytańnia 4,5 tysiač amierykanskich paraŭ usio stała na svajo miesca. Siemji, dzie muž vykonvaje typova žanočuju pracu (takuju jak prybirańnie, hatavańnie, prańnie), zajmajucca seksam u paŭtara razu mienš, čym pary, dzie žonka vykonvaje ŭsie «žanočyja abaviazki» sama. Mužčyna ŭ apošnim vypadku pracuje ŭ sadzie, apłačvaje rachunki i absłuhoŭvaje chatniuju techniku i pryłady.
Čamu tak adbyvajecca? Navukoŭcy nie mohuć dać rady z dakładnym adkazam. Ale imaviernaść taho, što mužčyny ŭ «tradycyjnych» siemjach prymušajuć žančyn da seksu, vyklučajecca. Heta nie tak, bo žonki z «tradycyjnych» siemjaŭ adznačyli taki samy ŭzrovień zadavalnieńnia ad seksu, jak i žančyny z «sučasnych», partniorskich siemjaŭ.
Adzinaj łahičnaj vysnovaj navukoŭcy ličać nastupnaje: blizki mužčyna ź dzierkačom albo z anučaju padajecca žoncy mienš seksualna pryvabnym. Heta ž nie niejkija prydumanyja hieroi z maraŭ i eratyčnych filmaŭ, a tyja, chto ŭvieś čas pobač,
Ale mužčynam nie varta, spasyłajučysia na dadzienyja daśledavańniaŭ, radavacca i ŭnikać pracy. Navukoŭcy dadajuć, što admova mužčyny dapamahać pa domie ciahnie da narastańnia kanfliktu ŭ siamji i źnižaje zadavolenaść žonki šlubam. Viadoma, kali žonka maŭčyć zuby saščapiŭšy albo piłuje dy jeść, by irža žaleza — pra seks možna zabycca. Žančynam usio bolš daspadoby, kali mocnaja pałova vykonvaje jak mužčynskija, tak i žanočyja raboty.
Kali ž brać pad uvahu, što za paŭstahodździa kolkaść amierykanskich mužčyn, jakija robiać chatniuju pracu, uzrasła ad 15 da 30%, takaja tendencyja prymušaje zaniepakoicca. Chiba što mužyki zdrabnieli i, advučyŭšysia arać, kania zaprahać i žonkaj kamandavać, stali zusim niazdatnyja da mužčynskaj raboty.