Historyk Aleś Smalančuk vydaŭ daśledavańnie śviadomaści prodkaŭ — videa
9 krasavika ŭ Minsku adbyłasia prezientacyja knihi historyka i krajaznaŭcy Alesia Smalančuka "Biełaruskaja historyja: znajści čałavieka", u jakoj aŭtar daśleduje matyvy pavodzinaŭ čałavieka ŭ ajčynnaj historyi.
"Zdajecca, što ahulnaja historyja — heta historyja pra kožnaha čałavieka. Ale
vielmi časta historyki, na žal, padmianiajuć žyvoha čałavieka ŭ svaim historyapisańni peŭnymi schiemami i kanceptami: sacyjalnymi, ekanamičnymi. U vyniku atrymlivajecca historyja padziej, u jakoj žyvyja ludzi adsutničajuć, —skazaŭ BiełaPAN Aleś Smalančuk. — Žyvy ž čałaviek — heta matyvy pavodzinaŭ. I kali pačynaješ sprabavać zrazumieć matyvy kankretnaha čałavieka, to historyja stanovicca bolš bahataja".
Pavodle jaho słoŭ,
historyk, jaki piša historyju peŭnaha kavałku času, pavinien razumieć, što čałaviek toj epochi adroźnivajecca ad čałavieka sučasnaha.A razumieńnie taho, "što čałaviek peŭnaha času razumieŭ pad śviadomaściu", dapamoža zrazumieć i rastłumačyć historyju, ličyć Smalančuk.