Tolki 46 čałaviek admovilisia być donarami orhanaŭ i tkanak u Biełarusi

U Biełarusi tolki 46 čałaviek aficyjna napisali zajavu ab admovie stać donarami orhanaŭ i tkanak. Pra heta paviedamiŭ kiraŭnik Respublikanskaha navukova-praktyčnaha centra transpłantacyi orhanaŭ i tkanak Aleh Rumo 10 krasavika na pres-kanfierencyi ŭ Minsku.

Jon nahadaŭ, što letaś u Biełarusi byŭ pryniaty zakon, jaki praduhledžvaje stvareńnie rehistraŭ donaraŭ orhanaŭ i tkanak. Zhodna z zakonam, usie hramadzianie Biełarusi pa zamoŭčańni ź`iaŭlajucca donarami. «Adnak čałaviek moža napisać zajavu i admovicca stać donaram», — skazaŭ Rumo.

Kiraŭnik centra zaznačyŭ, što ŭ internecie vielmi mnohija zajaŭlali pra toje, što nie chočuć stać donarami. «Ale aficyjna heta zrabili 46 čałaviek. Heta ludzi, jakija dajšli da palikliniki, pakazali pašpart i napisali admovu», — skazaŭ jon.

Rumo padkreśliŭ, što orhany i tkanki hetych ludziej «nikoli ni pry jakich akaličnaściach nie buduć vykarystanyja», pry hetym im samim u vypadku nieabchodnaści ŭ pierasadcy orhanaŭ i tkanak admoŭlena nie budzie.

Kamientary da artykuła