Zdymak u internecie staŭ padstavaj dla raspačynańnia spravy
Milicyja raspačała administracyjnuju spravu suprać aktyvistaŭ ź Biarozaŭki Lidskaha rajona, ubačyŭšy na sajcie radyjo «Racyja» zdymak ich akcyi ŭ Dzień voli.
Milicyjanty ŭžo apytali aktyvistaŭ, ale datu sudu jašče nie nazvali.
25 sakavika ŭ Voranavie ŭšanavali pamiać hienierała BNR Kipryjana Kandratoviča.
Sa słovaŭ aktyvista Siarhieja Trafimčyka, mahiłu hienierała Kandratoviča, jakaja znachodzicca niedaloka ad pravasłaŭnaj carkvy ŭ Voranavie, aktyvisty z roznych haradoŭ Biełarusi naviedvajuć štohod.
Sioleta ŭ Dzień voli ŭsie, chto prybiraŭ mahiłu hienierała, uskładaŭ kvietki i zapalvaŭ śviečki, razam sfatahrafavalisia z razhornutym
Na mohiłkach u toj čas, sa słovaŭ Trafimčyka, nikoha nie zaŭvažyli. Ale paśla taho jak zdymak źjaviŭsia ŭ internecie, aktyvistaŭ apytali milicyjanty. Jany ž i skazali aktyvistam, što na ich zaviedzienaja administracyjnaja sprava — ich abvinavačvajuć u praviadzieńni niesankcyjanavanaj akcyi.