Łensa Armstranha vinavaciać u padmanie pošty ZŠA
Armstranh raspaviadaje pra dopinh u «Šou z Opry Uinfry».
Urad ZŠA padaŭ pazoŭ suprać dyskvalifikavanaha za dopinh viełasipiedysta Łensa Armstranha, abvinavaciŭšy jaho ŭ padmanie paštovaj słužby krainy.
U pazovie adznačajecca, što paštovaja słužba płaciła Armstronhu miljony dalaraŭ u jakaści sponsarskaj padtrymki, nie viedajučy, što jon užyvaje dopinh.
Pry hetym advakat spartsmiena adznačaje, što viedamstva atrymała vielizarny prybytak padčas supracoŭnictva z Armstranham.
U kastryčniku minułaha hoda Łensa Armstranha pazbavili ŭsich siami tytułaŭ pieramožcy samaj prestyžnaj honki ŭ viełasporcie — «Tur de Frans». Viełasipiedyst taksama byŭ pažyćciova dyskvalifikavany.
Raniej kiraŭnik antydopinhavaha ahienctva ZŠA (USADA) Trevis Tajhart zajaŭlaŭ, što majucca vyčarpalnyja i biassprečnyja dokazy taho, što kamanda Armstranha znachodziłasia ŭ zmovie z metaj vykarystańnia stymulataraŭ.