Prapanujecca palot na Mars, ale bilet tolki ŭ adzin kaniec

Prajekt Mars One pa adpraŭcy na Mars u adzin kaniec aficyjna adkryŭ nabor udzielnikaŭ.

Pavodle płanaŭ raspracoŭščykaŭ, pieršyja kałanisty apynucca na Marsie roŭna praź dziesiać hadoŭ, 22 krasavika 2023 hoda. Pra heta paviedamili kiraŭniki prajekta na pres-kanfierencyi.

Zadača prajekta, jaki bazujecca ŭ Niderłandach, składajecca ŭ ažyćciaŭleńni piłatujemaj ekśpiedycyi na Mars da 2023 hoda. Čatyry astranaŭty prajekta stanuć pieršymi marsijanskija kałanistami i praviaduć reštu žyćcia ŭ marsijanskim pasieliščy, jakoje budzie pabudavana dla ich aŭtamatami, dasłanymi na hetuju płanietu zahadzia.

Patrabavańni da ŭdzielnikaŭ misii, jakaja stanie pieršym u svaim rodzie realici-šou, byli apublikavanyja ŭ pačatku 2013 hoda, paviedamlaje Ukranews.

«Dla taho kab adpravić čałavieka na Mars, nie treba nijakich novych vynachodak. Mahčymyja zatrymki, mahčymy pieraraschod biudžetu, mahčymyja navat niaŭdačy, ale heta mahčyma», — zajaviŭ kiraŭnik prajekta Mars One Bas Łansdorp.

Pavodle jaho słovaŭ, fond jašče da pačatku aficyjnaha adboru atrymaŭ kala 10 tysiač listoŭ ad žadajučych pryniać udzieł u prajekcie. Da lipienia 2013-ha arhanizacyja raźličvaje sabrać kala miljona zajavak u vyhladzie videarolikaŭ praciahłaściu ŭ adnu chvilinu, pryčym dla adsiejvańnia «niesurjoznych» kandydataŭ padača zajaŭki budzie kaštavać da 25 dalaraŭ — hetyja srodki pojduć na finansavańnie etapaŭ adboru.

Da lipienia 2015 hoda arhanizatary adbiaruć 24 kandydaty ŭ astranaŭty, jakija nastupnyja siem hadoŭ buduć rychtavacca da budučaha palotu ŭ kamandach pa čatyry čałavieki. Pieršy palot na Mars acenieny ŭ $6 miljardaŭ.

Palot da Marsa zojmie ad siami da vaśmi miesiacaŭ, za jakija pasažyry kaśmičnaha aparata straciać značnuju častku svajoj myšačnaj i kaścianoj masy. Ekśpierty sumniajucca ŭ zdolnaści čałavieka latać u kosmas dalej za Mars.

Kamientary da artykuła