Ananim «zaminiravaŭ» himnaziju imia Akreścina — fota
Vučni i supracoŭniki himnazii №30, što ŭ Minsku pa vuł. Kujbyšava, 79/2 byli siońnia evakujavanyja z budynku. Jak paviedamili karespandentu NN na miescy padziej, siońnia z horada pastupiŭ ananimny zvanok pra toje, što himnazija zaminiravanaja.
Dziaciej vyvieli na stadyjon. Baćkoŭ, jakija pryjechali ich zabirać, nie puskali praz hałoŭnaha uvachod u školny dvor, da stadyjona treba było iści ŭ abychod. Stajała ačapleńnie z supracoŭnikaŭ MNS.
Evakujavali ludziej śpiešna: kuchary školnaj stałoŭki navat nie pavyklučali plity. U dvary stajali pažarnaja mašyna, «chutkaja» i mikraaŭtobus sapiornaj słužby.
Kala 13.45 sapiory vyjšli z budynka, paśla čaho ačapleńnie źniali. Miny, na ščaście, nie było.