Spravu Hajdukova rychtujuć da pieradačy ŭ sud
Padazravany ŭ «špijanažy» Andrej Hajdukoŭ vyvučaje materyjały svajoj kryminalnaj spravy.
Pra heta sajtu charter97.org paviedamiła jaho maci Volha Hajdukova.
«Śledstva padychodzić da kanca, tamu što Andrej znajomicca z materyjałami spravy. Bolš mnie ničoha nie viadoma. Piša listy, prasiŭ vypisać hazietu «Narodnaja vola», što ja zrabiła», - adznačyła maci palityčnaha viaźnia.
Jana nie ŭpeŭnienaja, što 8 traŭnia ŭtrymańnie pad vartaj u čarhovy raz nie padoŭžać jašče na miesiac.
«Nieviadoma, ci skončycca śledstva 8 traŭnia, tamu što napieradzie šmat śviataŭ. Tamu niezrazumieła, buduć jany praciahvać zaklučeńnie pad vartaj ci nie. Varta skazać, što syn trymajecca małajcom, dy jašče i nas padbadziorvaje», - dadała Volha Hajdukova.
Nahadajem, pavodle aficyjnaj infarmacyi, Hajdukova zatrymali «padčas zakładki schovanki sa źviestkami, jakija cikaviać zamiežnyja śpiecsłužby». Heta abvinavačvańnie mnohija ličać biessensoŭnym. Hramadzianskaja kampanija «Jeŭrapiejskaja Biełaruś» vystupiła z zajavaj, u jakoj paviedamlałasia ab tym, što aktyvista zatrymali za raspaŭsiudžvańnie haziety «Chartyja'97». Pravaabaroncy pieraśled Hajdukova źviazvajuć ź jaho apazicyjnymi pohladami i tłumačać sprobami zapałochać moładzievych aktyvistaŭ.