U Biełaruś prysłali 300 paranienych livijskich kambatantaŭ
Pra heta paviedamlaje miascovaja hazieta «Lybia Herald» sa spasyłkaj na pasła Biełarusi Alaksandra Ściepusia.Hazieta piša, što ad pačatku ŭzbrojenaha supraćstajańnia pamiž paŭstancami i Muamaram Kadafi ŭ Biełarusi atrymali miedyčnuju dapamohu kala 1500 čałaviek. Na čyim baku zmahalisia paranienyja livijcy, nie ŭdakładniajecca.
Adnak «Chartyja'97» nahadvaje: raniej u livijskich i mižnarodnych ŚMI nieadnarazova źjaŭlałasia infarmacyja pra toje, što aficyjny Minsk akazvaŭ raznastajnuju padtrymku režymu Kadafi.
Naprykład, u listapadzie 2011 hoda ŭ Nacyjanalnym aeraporcie «Minsk» byŭ zaŭvažany samalot ź livijskimi apaznavalnymi znakami. Što ci kaho jon pieravoziŭ, nieviadoma. Letaś 4 červienia Vajenny sud Trypali prysudziŭ troch hramadzian Biełarusi da 10 hadoŭ turmy za dapamohu režymu Kadafi.