Matč sa Słavienijaj: vialiki ściah nie vidać, jość małyja ściahi i Pahonia
Biełaruś-Słavienija — druhi matč našaj kamandy na čempijanacie.
Idzie druhi tajm, lik pakul 1:1. Słaviency pieršymi razmačyli bramu biełarusaŭ. Šajbu ŭ adkaz zabiŭ Illa Kaznadziej.
Adnak usich bolš za lik cikaviła: ci ŭdasca biełaruskim fanatam pranieści nacyjanalnyja ściahi. Jak vynikaje z teletranślacyi, udałosia! Bieł-čyrvona-biełyja ściahi źjaŭlajucca na teleekranach pobač z łukašenkaŭskimi, čyrvona-zialonymi. Vialiki ściah, jaki zrabiŭ dzień na pieršym matčy, z čechami, siońnia nie vidać, ale jość małyja ściahi i Pahonia.
Jak viadoma, łukašenkaŭcy sprabavali dabicca ad arhanizataraŭ turniru zabarony na nacyjanalnuju simvoliku na toj padstavie, što jana palityčnaja. Heta vyklikała chvalu abureńnia ŭ Biełnecie i šviedskich palityčnych kołach.