Nastu Azarku pačnuć sudzić 4 vieraśnia
Sudy nad dvuma inšymi moładzievymi aktyvistami jašče nie pryznačanyja.
Sud nad moładzievaj aktyvistkaj ź Niaśvižu Nastaj Azarkaj pačniecca 4 vieraśnia a 10:00. Pra heta «NN» paviedamiła sama Nasta Azarka.
Advakatam u jaje — Alaksandar Halijeŭ, jaki baraniŭ kiraŭnika Maładoha frontu Źmitra Daškieviča. Sudździa - M. K. Dunajeva. Sudovy praces budzie adkrytym.
Miž tym, u Niaśvižy — a mienavita tam budzie prachodzić sud — Nasta apynułasia niby ŭ infarmacyjnym i demakratyčnym hieta. Tut amal niama hramadzkich aktyvistaŭ i , prynamsi, maralnaj padtrymki znutry niama ad kaho atrymać. Baćki Nasty jejnuju dziejnaść nie ŭchvalajuć.
Sudy nad dvuma inšymi moładzievymi aktyvistami — Jarasłavam Hryščeniam (Baranavičy) i Ivanam Šyłam (Salihorsk) — jašče nie pryznačanyja. Ale zaŭtra ŭviečary Ivana Šyłu vyklikajuć u Salihorski rajonny sud i nia vyklučana, što budzie vyznačany dzień pracesu.
Traich moładzievych aktyvistaŭ abvinavačvajuć u parušeńni artykułu 193-1 Kryminalnaha kodeksu (dziejnaść ad imia niezarehistravanaj arhanizacyi).