Biełaruś pradaść Rasii pakiet akcyj abaronnaha pradpryjemstva

Biełaruskaje adkrytaje akcyjaniernaje tavarystva «SKB Kamierton» pradaść rasijskamu inviestaru 25% svaich akcyj.

Heta robicca dla zabiaśpiečańnia zapusku sistemy ekstranaha reahavańnia pry avaryjach «ERA-RB», pišuć rasijskija ŚMI.

Prajekt stvareńnia sistemy «ERA-RB» u Biełarusi moža być finansava padtrymany rasijskim bokam. Tamu dla inviestycyjnaha kantrolu ŭnioskaŭ Rasii płanujecca ažyćciavić prodaž błakavalnaha pakieta akcyj «SKB Kamierton» (25% plus adna akcyja).

U toj ža čas, jak paviedamlaje sajt Dziaržaŭnaha vajskova-pramysłovaha kamiteta Biełarusi, «SKB Kamierton» — pradpryjemstva abaronnaha siektara ekanomiki Biełarusi. Jano zajmajecca prykładnymi daśledavańniami ŭ halinie navihacyi, raspracoŭkaj sistem i srodkaŭ navihacyi vajskovaha i hramadzianskaha pryznačeńnia, a taksama vyrablaje navihacyjnaje abstalavańnie śpiecyjalnaha pryznačeńnia.

Kamientary da artykuła