Adčyniłasia pieršaja ŭ śviecie ekalahičnaja turma
Narveskaja turma «Bastoy», raźmieščanaja na vyśpie na poŭdzień ad Osła, źjaŭlajecca pieršaj u śviecie całkam ekalahičnaj viaźnicaj.
U «Bastoy» niama ani krataŭ, ani kalučaha drotu. Zatoje jość soniečnyja batarei, aciapleńnie drovami, a taksama poŭnaja pierapracoŭka adkidaŭ. Bolš za toje, tut vyrablajecca całkam ekalahičnaja ježa. Viaźni žyvuć u zvyčajnych damach, jakija nie začyniajucca. Jany adkazvajuć za 200 kurej, 40 aviečak, 20 karovaŭ i 8 koniaŭ. Taksama jany musiać uziać na siabie kłopat pra apracoŭku ziamli, źbirać jahady i łavić rybu.
Meta ekalahičnaj turmy — pryvić viaźniam da ich viartańnia ŭ hramadztva takija vartaści, jak pavaha da ludziej i pryrody. — Naša zadača — dać padstavu dla pazytyŭnych źmienaŭ — kaža dyrektar viaźnicy.
U «Bastoy» tolki 69 achoŭnikaŭ, i heta adna z najbolš «papularnych» turmaŭ Narvehii. Šmat chto z asudžanych prosić pra toje, kab adbyvać svoj termin mienavita tam.