Sudździa Jurasiu Alejniku: Rektara Akademii nie turbuj
Pra svajo ŭładkavańnie na vučobu ŭ Maskvu chłopiec daviedaŭsia ad znajomych: «Byŭ pryjemna ździŭleny».
Juraś Alejnik |
Sajt generation.by paviedamiŭ, što Juraś Alejnik daviedaŭsia pra prapanovu vučycca ŭ Maskvie ź internetu. «Ja byŭ pryjemna ździŭleny takoj prapanovaj, usio ž heta adna z samym prestyžnych VNU Rasiei» — kaža Juraś. Ale jon pakul nia vyznačyŭsia da kanca z vybaram miesca vučoby: «Budu zmahacca ŭ sudzie da apošniaj mahčymaści, a tam pahladzim». Pa jaho słovach, maskoŭski varyjant jon abiare ŭ vypadku, kali jamu prapanujuć tam davučycca apošni kurs.
Siońnia adbyłasia sudovaje pasiedžańnie pavodle pozvy Ju. Alejnika da Akademii kiravańnia pry prezydencie. Sp. Alejnik padaŭ chadajnictvy ab pieranosie pasiedžańnia z pryčyny niajaŭki ŭ sud śviedkaŭ z abodvuch bakoŭ, a taksama paprasiŭ zaprasić u jakaści śviedkaŭ rektara akademii kiravańnia Stanisłava Kniazieva, dekana ekanamičnaha fakultetu Ŭładzimiera Jazepčyka, dy prarektara pa vychavaŭčaj pracy Tacianu Piečaniovu. Sudździa zadavoli pieršaje chadajnictva i častkova druhoje. Sudovaje pasiedžańnie pieraniesienaje na 5 vieraśnia, 14.00. Na jaho musiać źjavicca dekan U. Jazepčyk i prarektar T. Piečaniova. Rektara sudździa paraiła nie turbavać, havoryć Juraś.