Konkurs 2,6 čałavieka na demakratyčnaje miesca

U parlamenckich vybarach miarkuje ŭziać udzieł 286 demakratyčnych kandydataŭ. Na 110 miescaŭ.

U čaćvier Palityčnaja rada Abjadnanych demakratyčnych siłaŭ pryniała pałažeńnie adnosna ŭdziełu ŭ parlamenckich vybarach, jakija adbuducca naleta.

Z trynaccaci subjektaŭ Palitrady tolki vosiem vykazali svajo žadańnie ŭdzielničać u vybarach (PKB, BSDP (H), AHP, Partyja BNF, Partyja pracy, Žanočaja partyja «Nadzieja», Partyja zialonych i pradprymalniki), piać admovilisia ad udziełu (ruch «Za svabodu», «Małady front», BSDH, BSDP «NH» i Partyja prahresu i spraviadlivaści).

Ahułam u papiarednich śpisach užo prachodziać 286 proźvišč pretendentaŭ na kandydataŭ. Jašče nie nazyvali svaich pretendentaŭ «zialonyja» i pradprymalniki, tamu kolkaść kandydataŭ pavinna pieravalić za trysta čałaviek.

Razam z tym, vykonvajučy abaviazki staršyni BSDP (H) Anatol Laŭkovič adznačyŭ, što jość akruhi, dzie ŭžo šmat kandydataŭ, a jość zusim pustyja.

Kamientary da artykuła