Hiendyrektara «Ekamiedservisa» vypuścili z-pad varty

Miera strymańnia ŭ dačynieńni da hienieralnaha dyrektara miedycynskaha centra «Ekamiedservis» Haliny Vałžankinaj zamieniena na padpisku ab niavyjeździe i naležnych pavodzinach.

Nahadajem, što 23-hadovaja žycharka Hrodna Julija Kubarava pamierła paśla praviadzieńnia płastyčnaj apieracyi pa karekcyi formy nosa ŭ kamiercyjnym miedycynskim centry «Ekamiedservis».

3 maja Upraŭleńniem Śledčaha kamiteta pa Minsku była zaviedziena kryminalnaja sprava pa fakcie śmierci dziaŭčyny pa č.2 art.162 KK (nienaležnaje vykanańnie prafiesijnych abaviazkaŭ miedycynskim rabotnikam, što paciahnuła pa nieaściarožnaści śmierć pacyjenta), jakaja praduhledžvaje da 5 hadoŭ pazbaŭleńnia voli z pazbaŭleńniem prava zajmać peŭnyja pasady abo zajmacca peŭnaj dziejnaściu na toj ža termin abo biez pazbaŭleńnia.

Byli zatrymanyja aniestezijołah-reanimatołah, dźvie miedycynskija siastry i chirurh, jaki pravodziŭ apieracyju. U dačynieńni da hiendyrektara Haliny Vałžankinaj była zaviedziena kryminalnaja sprava pa art.428 KK (słužbovaja chałatnaść), jakaja praduhledžvaje da 5 hadoŭ pazbaŭleńnia voli z pazbaŭleńniem prava zajmać peŭnyja pasady abo zajmacca peŭnaj dziejnaściu.

Ministerstva achovy zdaroŭja spyniła dziejańnie licenzii miedycynskaha centra «Ekamiedservis» na akazańnie aniestezijołaha-reanimacyjnaj dapamohi.

Kamientary da artykuła