«Biełavija» prypynić rejsy ŭ Jehipiet u vieraśni

Nacyjanalnaja avijakampanija «Biełavija» sumiesna z partniorami — zamoŭcami čartarnych pieravozak pasažyraŭ pryniała rašeńnie ab prypynieńni rejsaŭ u Jehipiet u vieraśni, što źviazana z napružanym sacyjalna-palityčnym stanoviščam u hetaj krainie.

«Da kanca žniŭnia my budziem vykonvać hałoŭnym čynam vyvaznyja rejsy i zabirać pasažyraŭ, jakija palacieli ŭ Jehipiet na praciahu hetaha miesiaca i raniej», — paviedamiła pres-słužba avijakampanii.

Ciapier «Biełavija» vykonvaje čartarnyja rejsy ŭ jehipieckija harady Šarm-el-Šejch i Churhadu pa zamovie adnaho z bujnych turystyčnych apierataraŭ.

Raniej Ministerstva sportu i turyzmu zaklikała biełaruskija turystyčnyja kampanii prypynić adpraŭku turystaŭ u Jehipiet i ŭ poŭnym abjomie viartać hrošy tym, chto admoviŭsia ad pajezdki ŭ hetu krainu.

Nahadajem, sutyknieńni pamiž prychilnikami i praciŭnikami prezidenta Jehipta Muchamieda Mursi, jakija pačalisia 26 červienia, pieraraśli ŭ masavyja akcyi pratestu. U vyniku zahinuli sotni čałaviek, tysiačy paciarpieli. U krainie na miesiac uviedzieny režym nadzvyčajnaha stanovišča.

Kamientary da artykuła