Chimičnaja zbroja ŭžyta ŭ pryharadach Damaska

Kolkaść achviaraŭ vymiarajecca sotniami.

Siarod achviaraŭ — šmat dziaciej. Fota Frans pres.

Pavodle infarmacyi miedykaŭ, nie mienš za 494 čałavieki zahinuli ŭ časie chimičnaj ataki na pryharady Damaska Chamuryja, Sakba, Duma, al-Batna, Muadamija. Rakiety z zarynam abrynulisia na hetyja bastyjony paŭstańnia kala 3-j hadziny ranku.

U miascovych klinikach lažać hrudy ciełaŭ z typovymi vynikami atručvańnia niervova-paralityčnym hazam: blednyja, popielnyja tvary, niama cialesnych paškodžańniaŭ, piena kala rota.

Siarod paciarpiełych — šmat žančyn i dziaciej. Na dumku analitykaŭ, ułady chočuć zastrašyć nasielnictva apazicyjnych ankłavaŭ i zmusić jaho pakinuć hetyja rajony. Takim čynam, paŭstancy zastalisia b biez zaplečča.

Aficyjny Damask kateharyčna asprečvaje infarmacyju pra ŭžyćcio chimičnaj zbroi. Pavodle aficyjnaha siryjskaha ahienctva SANA, vajennych dziejańniaŭ u pryharadach Damaska siońnia ŭnačy nie viałosia.

Kamientary da artykuła