Infarmatar Wikileaks Bredli Meninh atrymaŭ 35 hod turmy

Vajskovy sud apraŭdaŭ Meninha pavodle najbolš surjoznaha abvinavačvańnia ŭ dapamozie vorahu, ale pryznaŭ vinavatym pa bolšaści z bolš čym 20 inšych abvinavačvańniaŭ, u tym liku ŭ špijanažy, kradziažy i kampjutarnym machlarstvie.

Prakurory sprabavali dakazać, što ŭ Meninha byli «varožyja namiery» ŭ dačynieńni da ZŠA i što jon viedaŭ, što sakretnyja materyjały, jakija jon apublikavaŭ, buduć dastupnyja ŭ internecie voraham Amieryki, u tym liku terarystyčnaj arhanizacyi «Al-Kaida». Sud nie pahadziŭsia z hetymi abvinavačvańniami, ale paličyŭ vinu Meninha dastatkovaj, kab pryznać jaho vinavatym u špijanažy.

Meninha aryštavany ŭ mai 2010 u Iraku, dzie jon prachodziŭ słužbu. Jon pryznaŭsia ŭ tym, što pieradaŭ sajtu Wikileaks dla publikacyi videazapis udaraŭ z pavietra, u vyniku jakich byli zabityja mirnyja hramadzianie, sotni tysiač dakładaŭ ab incydentach na frantach vajny ŭ Afhanistanie i Iraku, daśje na źniavolenych turmy Huantanama i kala 250 tysiač dypłamatyčnych depieš dziarždepartamienta ZŠA.

Kamientary da artykuła