Biełstat: Siaredniestatystyčny emihrant — 27-hadovy adukavany minčuk, a pryjezžy — rasijskaje niemaŭla
Letaś u Biełaruś pryjechała žyć 18 tysiač čałaviek, a źjechała — amal 9 tysiač.
Zhodna sa statystykaj, u Biełaruś štohod pryjazdžajuć dziasiatki tysiač čałaviek. Źjazdžajuć —
kali emihrant nie «vypisvajecca» sa svajoj kvatery, jon emihrantam nie ličycca.
Takim čynam, pavodle padlikaŭ Biełstata,
letaś u krainu pryjechała 18040 novych žycharoŭ.Najbolšaja kolkaść ź ich asieła ŭ Minsku, na Brestčynie i Homielščynie (pa 3100–3200). Adkul jeduć hetyja «novyja biełarusy»?
Najbolš — z Rasii (8 560 čałaviek, 47%) i Ukrainy (2258 čałaviek, 13%). Dalej iduć Kazachstan i Turkmienistan. Raniej u trojku pieršych uvachodziła Litva, adnak ciapier jana adkaciłasia nižej.
Zrešty, kožny treci pryjezžy — hramadzianin Biełarusi. Čaściakom heta studenty, jakija advučylisia ŭ zamiežnych VNU.
U toj ža čas z krainy vyjechała 8 712 čałaviek. Kožny čaćviorty ŭciakač — minčuk.Kudy jany źjazdžajuć? Najbolšaja kolkaść — u tyja ž Rasiju (5493 čałavieki, 63%) i Ukrainu (703 čałavieki, 8%). Na dalejšych pazicyjach Hiermanija, Izrail, Litva, ZŠA i Polšča.
Adnak u cełym mihracyjnyja straty (tych, chto źjechaŭ, bolš čym tych, chto pryjechaŭ) nazirajucca tolki ŭ dačynieńni Izraila dy Hiermanii.
Kali pahladzieć na ŭzrost imihrantaŭ, to atrymlivajecca nievierahodnaja źjava.
Kožny šosty čałaviek pryjezžy… heta małoje dzicia!Štohod niemaŭlataŭ i małych (0–4 hady) pryvozili pa 600 čałaviek, a letaś — ažno 3 tysiačy. Ci nie pamyłka heta? U Biełstacie «Našaj Nivie» paćvierdzili: usio słušna. Pryčym takaja karcina nibyta fiksujecca pa ŭsioj krainie.
A źjazdžajuć pieradusim
* * *
Dadzienyja ab mihracyi biarucca ź listkoŭ prybyćcia i ŭbyćcia, jakija zapaŭniajucca pry rehistracyi ŭ kvatery ci pryvatnym domie. Kali zamiežnyja hramadzianie i asoby biez hramadzianstva pražyvajuć u Biełarusi bolš za hod, na ich taksama zapaŭniajecca tałon mihracyjnaha ŭliku.