U pieršy kłas biełaruskaj himnazii ŭ Vilni pryjšło sioleta 16 vučniaŭ

Śviata pačatku navučalnaha hoda ŭ biełaruskaj škole imia Franciška Skaryny ŭ Vilni prajšło 2 vieraśnia. Pasoł Biełarusi ŭ Litvie Uładzimir Dražyn uručyŭ pieršakłaśnikam školnyja rancy.

«Biełaruś zaŭsiody budzie imknucca rabić usio, kab maleńkija biełarusy, jakija žyvuć u susiedniaj Litvie, adčuvali kłopat svajoj krainy, nie zabyvali rodnuju movu i kulturu», — skazaŭ na ŭračystaj liniejcy U.Dražyn.

U hetym hodzie ŭ pieršy kłas biełaruskaj škoły Vilni pryjšli šasnaccać čałaviek, paviedamlaje Delfi.

***

U minułym 2012/2013 navučalnym hodzie, u himnazii navučałasia 187 čałaviek.

Heta adzinaja biełaruskamoŭnaja ahulnaadukacyjnaja ŭstanova ŭ Litvie. Himnazija pracuje pa adaptavanaj litoŭskaj navučalnaj prahramie, a padručnikami karystajucca biełaruskimi.

Himnazija stvorana na bazie 68-j siaredniaj škoły ź biełaruskaj movaj vykładańnia imia F. Skaryny. U kastryčniku 2012 hoda škoła prajšła dva tury akredytacyi i atrymała status himnazii.

Škoła była adčyniena namahańniami vilenskich biełarusaŭ u 1994 h.

Kamientary da artykuła