Italjanski režysior Karła Lidzani vykinuŭsia z akna
Jamu byŭ 91 hod.
Italjanski kinarežysior i scenaryst Karła Lidzani skončyŭ žyćcio samahubstvam, vyskačyŭšy z akna treciaha paviercha. Jamu byŭ 91 hod, paviedamlaje Bi-Bi-Si.
Jaho film «Apovieść pra biednych zakachanych» atrymaŭ u 1954 hodzie pryz Kanskaha kinafiestyvalu.
Lidzani taksama pracavaŭ u jakaści scenarysta nad filmam Rabierta Raśsielini «Niamieččyna, hod nulavy», jaki ličycca kłasikaj italjanskaha niearealizmu.
Jon pracavaŭ i nad scenarom da filma «Horki rys» niearealista Džuzepe de Santysa.
Inšy viadomy italjanski režysior Maryjo Maničeli try hady tamu zahinuŭ anałahičnym čynam, vykinuŭšysia z akna balnicy ŭ Rymie.