Trenier Kandraćjeŭ pra futboł: 20 hadoŭ my išli nie tudy, kudy treba
Hałoŭny trenier zbornaj Biełarusi Hieorhij Kandraćjeŭ vykazaŭ mierkavańnie, što futboł u Biełarusi raźvivajecca ŭ niapravilnym kirunku.
Kolki matčaŭ druhoj šaściorki [turnir kamandaŭ u vyšejšaj lizie, što hulajuć za 7--12-ja miescy -- NN] vy bačyli?
U Internecie hladzieŭ praktyčna ŭsie matčy. Ale jakaść futboła pakidaje žadać lepšaha.
Dzialeńnie na šaściorki apraŭdała siabie? Naviedvalnaść nie palepšyłasia...
Sprava nie ŭ hetym. Nie skazaŭ by, što ŭ pieršaj šaściorcy bumy abo anšłahi. Pryčyny? Niavažnyja stadyjony i jakaść futboła... A jak jaho padymać?.. Šmat što zaležyć ad vučebna-trenirovačnaha pracesu. Tym bolš mnohija praciahvajuć hulać ad abarony, čakać pamyłki supiernika, niahledziačy na toje, što matyvacyi trymacca za vynik užo niama.
Ale hałoŭnaja pryčyna nie ŭ hetym. Dvaccać hadoŭ my išli nie tudy, kudy treba. Miarkuju, nie tak raźvivali futboł. Ciapier usie hetyja naryvy vykryvajucca.