MZS: Udzieł Biełarusi ŭ Vilenskim samicie «Uschodniaha partniorstva» — u kampietencyi Łukašenki
Zaprašeńni na samit «Uschodniaha partniorstva» byli pieradadzienyja vice-ministram zamiežnych spraŭ Litvy Andrusam Kryvasam dypłamatam Biełarusi, Armienii, Azierbajdžana, Hruzii, Małdovy i Ukrainy.
Ich padpisali prezident Litvy Dala Hrybaŭskajte, prezident Jeŭrasajuza Hierman van Rampiej i staršynia Jeŭrakamisii Žaze Manueł Barozu. Imia kiraŭnika Biełarusi ŭ dakumiencie niama, pakolki zaprašeńni vydavalisia dziaržavam, a nie asobam.
«My paćviardžajem fakt atrymańnia aficyjnaha zaprašeńnia na samit «Uschodniaha partniorstva», jaki adbudziecca ŭ Vilni, — cytuje słovy pres-sakratara Ministerstva zamiežnych spraŭ Biełarusi Andreja Savinych BiełTA. — Dadzienaje zaprašeńnie identyčna jak pa źmieście, tak i pa pracedury ŭručeńnia zaprašeńniam, jakija byli pieradadzienyja inšym krainam-partnioram «Uschodniaha partniorstva». Dla nas heta pryncypovaje pytańnie, pakolki Biełaruś zaŭsiody prytrymlivałasia pazicyi ab nieabchodnaści raŭnapraŭnaha padychodu da ŭzajemadziejańnia ŭ ramkach «Uschodniaha partniorstva». Ciapier pytańnie ŭdziełu Biełarusi ŭ budučym samicie znachodzicca ŭ kampietencyi kiraŭnika biełaruskaj dziaržavy».