Biełaruskija navukoŭcy stvaryli impartazamiaščalnyja izatoniki
Śpiecyjalnyja izataničnyja napoi, jakija pavyšajuć unutranyja reziervy čałavieka, hatovyja prapanavać biełaruskija navukoŭcy.
Navukova-praktyčny centr NAN pa charčavańni raspracavaŭ novuju technałohiju vytvorčaści, asabliva aktualnuju dla spartsmienaŭ i tych, chto padviarhajecca značnym fizičnym nahruzkam.
Navukovy supracoŭnik adździeła charčavańnia Hanna Zajcava pieraličvaje plusy izataničnych napojaŭ: «Jany spatolvajuć smahu, padtrymlivajuć aptymalny bałans vadkaści ŭ arhaniźmie i kampiensujuć straty elektralitaŭ i vitaminaŭ, jakija zaŭsiody adbyvajucca pry ŭzmocnienym potaadździaleńni. Usie daśledčyki sychodziacca ŭ mierkavańni, što takija śpiecyjalnyja spartyŭnyja napoi našmat pieravažniej, čym prostaja vada».
Navinka raŭnamierna zabiaśpiečvaje arhanizm enierhijaj, paskaraje pracesy adnaŭleńnia, karektuje vodna-solevy bałans i stanoŭča ŭpłyvaje na niervova-ciahlicavuju kaardynacyju. Što važna, izataničnyja napoi nie zabaronienyja miedycynskaj kamisijaj MAK, a kaštavać naša raspracoŭka budzie na 25-50% mienš, čym zamiežnyja anałahi, piša hazieta.
Darečy, strata vadkaści vielmi chutka adbivajecca na samaadčuvańni. Pazbaviŭšysia ŭsiaho 1% vady, čałaviek pačynaje adčuvać smahu, 2% - hublaje ŭ ciahavitaści, 3% - adčuvaje niedachop sił. A kali arhanizm hublaje zvyš 5% vady, užo prykmietna źnižajecca pracazdolnaść: pačaščajecca puls, uźnikajuć apatyja, młosnaść i ciahlicavaja słabaść.