Pravaabaronca Andrej Bandarenka aryštavany na piać sutak
Dyrektar pryvatnaj kulturna-aśvietnickaj ustanovy «Płatform inaviejšn» Andrej Bandarenka aryštavany na piać sutak, paviedamiła jaho namieśnik Alena Krasoŭskaja-Kaśpiarovič. Rašeńnie poźnim viečaram 14 listapada vynies sud Maskoŭskaha rajona Minska.
Raniej u hety ž dzień sud pryniaŭ rašeńnie ab viartańni spravy va UUS Maskoŭskaha rajona dla likvidacyi niedachopaŭ. Novy pratakoł byŭ składzieny prama ŭ budynku suda. Bandarenka admoviŭsia jaho padpisać i byŭ źmieščany ŭ kamieru dla administracyjna zatrymanych.
Andrej Bandarenka abvinavačvaŭsia pa č. 1 art. 23.34 KoAP (arhanizacyja i praviadzieńnie niesankcyjanavanaha mierapryjemstva). Havorka idzie pra padziei 14 vieraśnia, kali ŭ Minsku było zatrymana 18 čałaviek. Jany źbiralisia pravieści chvilinu maŭčańnia kala śledčaha izalatara № 1 na vulicy Vaładarskaha, dzie pry niavyśvietlenych akaličnaściach pamior 21-hadovy minčanin Ihar Pcičkin.