Chadarkoŭski vylecieŭ u Bierlin, jahonaje vyzvaleńnie vychadajničaŭ Hans-Dytrych Hienšer
Spiegel.de
Maci byłoha rasijskaha aliharcha Michaiła Chadarkoŭskaha, jaki paśla vyzvaleńnia z kałonii adrazu pryvatnym samalotam vylecieŭ u Bierlin, u subotu taksama prybudzie ŭ niamieckuju stalicu, kab sustrecca z synam, paviedamiŭ vydańniu Spiegel Online eks-kiraŭnik MZS Hiermanii Hans Dytrych Hienšer, jaki sustrakaŭ Chadarkoŭskaha ŭ bierlinskim aeraporcie.
Pa słovach byłoha šefa niamieckaj dypłamatyi, maci biznesoŭca Maryna, da jakoj, zhodna ź pieršapačatkovym paviedamleńniami, pajechaŭ u Hiermaniju Chadarkoŭski, raniej sapraŭdy prachodziła lačeńnie ŭ Bierlinie, adnak niekatory čas tamu viarnułasia ŭ Rasiju.
Syn u turmie navat nie viedaŭ, što maci viarnułasia ŭ Rasiju.
U subotu, pa słovach Hienšera, maci źbirajecca prylacieć u stalicu Hiermanii.
Eks-kiraŭnik MZS Niamieččyny taksama zajaviŭ, što Chadarkoŭski «zmarnieły, ale ščaślivy, što apynuŭsia na voli».
U piatnicu prezident Uładzimir Pucin padpisaŭ ukaz ab pamiłavańni Michaiła Chadarkoŭskaha, jaki adbyvaŭ termin z 2003 h.
Jak stała viadoma, Hans Dytrych Hienšer dvojčy sustrakaŭsia z Uładzimiram Pucinym, kab dabicca vyzvaleńnia Chadarkoŭskaha.
Sam Chadarkoŭski ŭ Bierlinie raskazaŭ, što paprasiŭ vyzvaleńnia «ŭ suviazi ź siamiejnymi abstavinami». Svajoj viny jon u prašeńni nie pryznaŭ.