KCHŁ. Ulubioniec publiki Džef Płat pakidaje minskaje «Dynama» paśla piaci siezonaŭ u kłubie
U čarhovym matčy rehularnaha čempijanatu Kantynientalnaj chakiejnaj lihi minskaje «Dynama» na svajoj placoŭcy («Minsk-Arena») pieramahło nižaharodskaje «Tarpieda» ź likam 4:0 (1:0, 3:0, 0:0).
U hetym siezonie «Dynama» z roźnicaj u čatyry šajby jašče nie pieramahała.
Forvard «Dynama» Džef Płat paśla pieramohi zastaŭsia na lodzie i raźvitaŭsia z «Minsk-Arenaj», paviedamlaje Goals.by
Goals.by
«Heta byli vydatnyja piać siezonaŭ! Ničoha lepšaha ŭ majoj karjery nie zdarałasia. A zatym pa-rusku dadaŭ: «Dziakuj, «Dynama»! Dziakuj, Minsk!».
Vierahodna siezon Džef praciahnie ŭ jarasłaŭskim «Łakamatyvie».
Płat, darečy, siońnia vyznačyŭsia halavoj pieradačaj.
«Dynama» zajmaje apošni radok u Zachodniaj kanfierencyi. Paśla 40 hulniaŭ u kłuba 39 bałaŭ (10 pieramohaŭ u asnoŭny čas, 2 pieramohi pa bulitach, try parazy pa bulitach, dźvie parazy ŭ aviertajmie, 23 parazy ŭ asnoŭny čas).
Adstavańnie ad 13-ha, pieradapošniaha, miescy składaje 8 bałaŭ, ad zony płej-of — 21 bał.
Nastupnyja šeść hulniaŭ minski kłub praviadzie ŭ haściach («Spartak», «Miedvieščak», «Juhra», «Aŭtamabilist», «Avanhard», «Barys»).
Zatym budzie apošniaja sieryja z čatyroch hulniaŭ doma («Sievierstal», 23 studzienia; «Atłant», 25 studzienia; SKA, 27 studzienia; «Łakamatyŭ», 29 studzienia).
U lutym budzie pierapynak na Alimpijadu, i zaklučny matč na «Minsk-Arenie» — 2 sakavika z ryžskim «Dynama».