Minčanam abiacajuć siaredni zarobak da kanca 2015-ha — nie mienš 1000 dołaraŭ
Taki pakaźnik zakładzieny ŭ trochbakovym pahadnieńni pamiž Minharvykankamam, Minskim haradskim abjadnańniem arhanizacyj prafsajuzaŭ i respublikanskaj asacyjacyjaj pradpryjemstvaŭ pramysłovaści «BiełAPP» na 2014-2016 hady.
«Dadzienaje pahadnieńnie ŭklučaje siem asnoŭnych raździełaŭ. My pastavili płanku, što najmalnik, prafsajuz i harvykankam pavinny zabiaśpiečyć na kaniec 2015 hoda zarabotnuju płatu nie nižej za 1000 dołaraŭ u ekvivalencie. Ale my razumiejem, što roznaja situacyja ŭ arhanizacyjach i pastavili druhuju płanku, što minimalny zarobak nie pavinien być mienšy za 250 dołaraŭ.» - adznačyŭ staršynia Minskaha haradskoha abjadnańnia prafsajuzaŭ Mikałaj Biełanoŭski.
Taksama, u adpaviednaści z dakumientam, temp rostu realnaj zarabotnaj płaty ŭ stalicy štohod pavinien być nie nižejšy za tempy rostu ŭnutranaha vałavoha praduktu našaj krainy.