Kiroŭca homielskaha aŭtobusa, jaki naśmierć źbiŭ žančynu, byŭ epileptykam?
Na piešachodnaj darožcy aŭtobus najechaŭ na žančynu 1970 hoda naradžeńnia. Prybyŭšy na miesca zdareńnia, supracoŭniki MNS dastali jaje z-pad transpartnaha srodku i pieradali miedykam, jakija kanstatavali śmierć paciarpiełaj.
Sam 41-hadovy kiroŭca byŭ dastaŭleny ŭ špital z papiarednim dyjahnazam «epileptyčny status».
Epileptyčny status — heta stan, pry jakim epileptyčnyja prypadki iduć adzin za adnym (zvyčajna bolš za 30 chvilin), i ŭ pramiežkach pamiž prypadkami chvory nie prychodzić u prytomnaść. Status moža ŭźnikać jak uskładnieńnie epilepsii abo być jaje prajavaj.