Pryčynaj hrandyjoznaha pažaru ŭ staražytnym tybieckim horadzie staŭ abahravalnik
U Kitai ŭstanavili pryčynu pažaru, jaki źniščyŭ ŭ minułuju subotu dźvie traciny pabudoŭ (bolš za 100 damoŭ) staražytnaha tybieckaha horada Dukeczun, jaki pryciahvaŭ mnostva turystaŭ. Jon znachodzicca ŭ Dečen-Tybieckaj aŭtanomnaj akruzie pravincyi Juńnań, u paviecie Šanhry-Ła.
Dukeczun — pierad pažaram i paśla…
Uzharańnie adbyłosia ŭ haściavym domie z-za pakinutaha biez nahladu abahravalnika. Sistema pažaratušeńnia ŭ momant uzharańnia była adklučanaja. Ŭładalnika haściavoha doma abvinavacili ŭ chałatnaści.
Z ahniom zmahalisia bolš za dźvie tysiačy čałaviek na praciahu 10 hadzin. Vuzkija vulicy nie davali pažarnym mašynam padjechać da achoplenych ahniom damoŭ. Z-za vialikaj kolkaści draŭlanych pabudoŭ u Dukeczunie pažar byŭ patušany tolki ranicaj.
Historyja Dukeczun naličvaje bolš za 1300 hadoŭ. Horad karystaŭsia vialikaj papularnaściu ŭ turystaŭ z-za mnostva histaryčnych pabudoŭ u tybieckim styli i brukavanych mastavych.